Batsuren02/mongolian-humanizer

Mongolian Humanizer бол хиймэл оюуны хэрэгсэлд зориулсан нэмэлт ур чадвар (skill) юм. Хиймэл оюуны бичсэн, эсвэл гадаад хэлнээс орчуулсан монгол текстийг уншихад нэг л эвгүй санагддаг. Үг нь зөв мөртлөө өгүүлбэр нь монгол биш. Ринчен гуайн хэлсэнчлэн "Үг нь монгол, өгүүлбэр нь орос байна." Энэ нэмэлт ур чадвар нь ийм текстийг монгол найруулга зүйн ёсоор засварлана. Claude Code, Codex, Cursor зэрэг SKILL.md уншдаг хэрэгсэлд ажиллана.
*English below.*
Жишээ
Орчуулга шиг мэдээ
> **Өмнө:** Өчигдөр сургууль дээр эцэг эхчүүдтэй уулзалт хийгдсэн. Уулзалтаар хүүхдүүдийн сурлагын асуудлууд хөндөгдсөн. Олон эцэг эхчүүд санал хэлсэн. Багш нар саналуудыг хүлээн авсан. Цаашид хамтын ажиллагааны сайжруулалт хийгдэх болно.
>
> **Дараа:** Өчигдөр сургууль дээр эцэг эхчүүдтэй уулзалт болсон. Уулзалтаар хүүхдүүдийн сурлагын асуудлыг хөндөж, олон эцэг эх санал хэлсэн бөгөөд багш нар саналыг нь хүлээн авсан. Цаашид хамтын ажиллагааг сайжруулах болно.
- "уулзалт хийгдсэн", "сайжруулалт хийгдэх" гэсэн нэр үг + хийгдэх хэллэгийн оронд жинхэнэ үйл үг: "уулзалт болсон", "сайжруулах".
- "олон эцэг эхчүүд", "саналуудыг": тоо, хэмжээ заасан үгийн ард олон тоо давхардаж байна.
- Дөрвөн өгүүлбэр дараалан "-сан"-аар төгсөж тасархай сонсогдож байна. Нөхцөл үйл үг, "бөгөөд"-оор холбов.
- Шинэ баримт, шинэ үйлдэгч нэмээгүй.
Чатботын эсээ
Claude Sonnet-ийн бичсэн эсээнээс:
> **Өмнө:** Нөгөө талаас, хэт их ашиглах нь олон сөрөг үр дагавар авчирдаг. **Юуны өмнө,** унтах цаг багасч, сурлагын амжилт буурдаг. **Мөн** нийгмийн сүлжээнд бусадтай өөрийгөө харьцуулах нь өөртөө итгэх итгэлийг сулруулж, сэтгэл гутрал, түгшүүр үүсгэх эрсдэлтэй. **Үүнээс гадна** онлайн дээрх хэрүүл, дээрэлхэлт, тохиромжгүй агуулгад өртөх аюул ч бий.
>
> **Дараа:** Нөгөө талаас, хэт их ашиглах нь олон сөрөг үр дагавар авчирдаг. Унтах цаг багасч, сурлагын амжилт буурдаг. Нийгмийн сүлжээнд бусадтай өөрийгөө харьцуулах нь өөртөө итгэх итгэлийг сулруулж, сэтгэл гутрал, түгшүүр үүсгэх эрсдэлтэй бөгөөд онлайн дээрх хэрүүл, дээрэлхэлт, тохиромжгүй агуулгад өртөх аюул ч бий.
Дөрвөн өгүүлбэрийн гурав нь "Юуны өмнө", "Мөн", "Үүнээс гадна"-аар эхэлж байна. Монгол хүн ингэж бичдэггүй: бидний хэмжилтээр чатбот "Мөн"-ийг хүнээс 4.5 дахин, "Юуны өмнө"-г 9.5 дахин олон хэрэглэдэг. Утгатай үг нэг ч өөрчлөгдөөгүй.
Чатбот хүсэлт гаргагчид хандсан мөр ("Мэдээж. Иймэрхүү пост болно:", "Өөр хувилбар хэрэгтэй бол хэлээрэй") нэмбэл түүнийг хасна. Нэрийг нь дурдаагүй "мэргэжилтнүүд", "судлаачид"-ыг тэмдэглэж, эх сурвалжаа нэрлэхийг сануулна. Нэрийг нь өөрөө зохиож бичихгүй.
Зарчим
Монгол найруулга зүйг баримтална.
**Засна:**
| Юуг | Жишээ |
|---|---|
| Нэр үг + хийх | "уулзалт хийлээ" → "уулзлаа" |
| Давхар идэвхгүй хэв | "зохион байгуулагдахаар төлөвлөгдөж байна" → "зохион байгуулахаар төлөвлөж байна" |
| Тооны ард олон тоо | "олон номууд" → "олон ном" |
| Ижил төгсгөлтэй тасархай өгүүлбэрүүд | "Эцэг эхчүүд санал хэлсэн. Багш нар хүлээн авсан." → "Эцэг эхчүүд санал хэлсэн бөгөөд багш нар хүлээн авсан." |
| Чатботын хүсэлт гаргагчид хандсан мөр | "Мэдээж. Иймэрхүү пост болно:" → хасна |
| Өгүүлбэр бүрийн эхэнд "Мөн", "Иймд" | Ихэнхийг нь хасна |
**Хөндөхгүй:**